Farmaajo oo ku wajahan Qadar [Xog ku saabsan Safarkiisa]

0
196

Muqdisho(SPO)- Madaxweynaha Dowladda Federaalka ee Soomaaliya, Maxamed Cabdullaahi Farmaajo iyo Wafdi ballaaran oo uu hogaaminayo ayaa ku wajahan dalka Qadar, xilli xiisad siyaasadeed ay wali ka taagan tahay wadamada Khaliijka.

Wafdiga Farmaajo oo ay ku wehliyaan Lix Wasiir, Xildhibaanno iyo Ganacsato badan ayaa la filayaa inay u ambabaxaan dalka Qadar horaanta Todobaadka soo socda, sida ay Warsidaha Garowe Online u xaqiijiyeen Illo ku dhaw Madaxtooyadda Villa Soomaaliya.

Booqashada Madaxweynaha ee Qadar oo mudo maalmo ah qaadan doonto, ayaa waxay kusoo beegmaysaa xilli xiriirka Soomaaliya iyo Imaaraadka uu gareey meel hoose, wixii ka dambeeyay heshiiskii DP World la gashay Somaliland.

Dowladda Qatar ayaa dhowaan la saxiixatay dowladda Federaalka Soomaaliya mashaariicyo horumarineed oo ku baxaya $200 oo Milyan oo Doollar, kaasoo ka mid ah dhismaha wadada isku xirta Muqdisho iyo Jowhar iyo sidoo kale Muqdisho iyo Afgooye.

Waa Booqashadii labaad oo Madaxweyne Farmaajo ku tago Qadar tan iyo sanadkii tagey, iyadoo booqashadii tan ka horeysay ay ahayd bishii May, 2017, kadib markii uu martiqaad ka helay Amiirka dalkaas Sheikh Tamim Bin Hamad Al Thani.

SOMALI PRESS ONLINE 2018